Paketa antishpifje, hyrja në fuqi e SPAK dhe reforma elektorale janë temat e aktualitetit.
Shumica dhe opozita e përshendetën nisjen e punës së SPAK, ndërsa për temat e tjera ndarja mbetet, sidomos për paketën antishpifje
Për të dhënë më shumë detaje në lidhje me këto tema në studion e lajmeve qendrore në Vizion Plus ka qenë deputeti i Partisë Socialiste Besnik Bare.
Sipas deputetit ngritja e SPAK është një tregues se opozita nuk ka më kthim pas.
Kemi parë një ndarje të thelle mes opozitës dhe mazhorancës për reformën në drejtësi, por sot opozita e përshëndeti ngritjen e zyrës së prokurorëve të SPAK. Çfarë mund të themi për këtë qëndrim?
Unë do të thoja vetëm një shprehje për këtë qëndrim, “kërcen prifti nga belaja”, dhe kjo lidhet me faktin se kemi tre vjet që pengohet reforma në drejtësi, kemi tre vjet që vihen shkopinj nën rrota dhe s fundi ndodhi kjo që ndodhi dhe uroj që të jetë e sinqertë. Për mendimin tim kjo ndodhi ashtu siç detyruan 140 deputetë për të iniciuar reformën në drejtësi faktori ndërkombëtar. Fakti që faktori ndërkombëtar është këmbëngulës e konsideron një nga momentet më të rëndësishme të tranzicionit të zgjatur shqiptar gjë që është mbështetur dhe është fakt edhe nga mazhoranca, tregon qartë se opozita që është sot jashtë parlamentin e ka treguar që nuk ka kthim pas, dhe në këto rrethana nuk mbetet gjë tjetër vetëm të duartrokasë.
Paketa antishpifje është një tjetër çështje që e ka ndarë opozitën dhe shumicën, ka një opinion që në fakt që shumica mori mbi vete një njollë duke miratuar këto ndryshime ligjore.
Unë do të thoja se shumica në Shqipëri është populli dhe do të ishte mirë që media të bënte një sondazh. Cili është problemi në në vend, problemi i lirisë së shtypit apo problemi lajmeve të shtrembura që krijojnë drama, problematikë etj. Ligji aktual, do të doja që të pyeten gazetarët e kanë lexuar draftin apo jo dhe po të thosha se po ta kishin lexuar do ta kenë vënë re se ai ka ndryshuar goxha. Edhe forma fillestare nuk ishte unike për Shqipërinë por analoge për shumë vende që kanë adaptuar një legjislacion të tillë. Zhvillimi i internetit ka suksese të jashtëzakonshme pasi në nivel global ka sjellë dhe probleme të jashtëzakonshme, në përgjithësi, interneti, ekspozimi publikimi, interneti, ekspozimi ndaj krimit, pedofilisë dhe pornografisë. Kjo është bërë një problematikë globale dhe mendoj se ky ligj i rregullon këto problematika, insistoj në këtë fakt se në Shqipëri nuk ka problematikë të mungesës së lirisë dhe fjalës së lirë dhe ne e shikojmë këtë në raport me mazhorancën. Ne shikojmë se në shumicën e televizioneve shqiptare anetemohet mazhoranca, dhe ky e shikojnë ne se cili është anetemuar kryeministrin apo tjetrin. Në këtë rrethanë unë do të thosha se sensibiliteti i popullit lidhet me fakte të tjera. Para disa ditës ndodhi një vdekje tragjike dhe ne lexuam lajmin që një çift është helmuar me fostoksinë, por në të vërtetë pa u vertetuar. Ky lajm krijon një konflikt në familje mes njërës palë dhe palës tjetër. Kemi rasten “Babalja” është një fakt tjetër, dhe në 21 janar u hap lajmi se katër veta janë vrarë me thika dhe me cadra pistoletë, atëherë a mban njeri përgjegjësi për këtë lajm? Të gjitha këto janë një konfuzion në raport me lirinë dhe problematika në Shqipëri nuk është liria e shprehjes dhe e shtypit, ajo që dua të them është se problem është shtrembërimi i lajmëve dhe futja në qorrsokak marrëdhënia brenda familjes marrëdhënia brenda politikës etj.
Reforma elektorale ishte një angazhim i shumicës se do të mbyllej brenda dhjetorit, por që duket se nuk është mbajt. Duket sikur angazhimet e marra nuk janë përmbajtur dhe duket sikur hapja e negociatave duket sikur u largua në kohë.
Nuk besoj se keni dyshim se vonesa edhe në këtë proces është për faktin se opozita ka dalë nga parlamenti nuk pranon të ulet në tavolinë dhe jep disa konsiderata të përgjithshme dhe nuk vjen me element konkretë për të nisur mekanizma konkretë që i shërbejnë kësaj reforme, unë mendoj se opozita nuk është e përgatitur edhe për të pasur zgjedhje edhe në 2021 jo më të ketë zgjedhje të parakohshme.
