Sekretari i Përgjithshëm i PD, Gazment Bardhi kërkoi që Struktura e Posaçme Antikorrupsion t’i zgjerojë hetimet dhe arrestimet për dosjen “339”.
Teksa reagoi për 22 urdhërarrestet e lëshuara, Bardhi tha në “Facebook” se një nga personat që duhet arrestuar është edhe ish-kryebashkiaku Vangjush Dako.
“Për këtë krim, që vazhdon të mbajë peng vendin, akoma nuk është bërë drejtësi. Vangjush Dako, i shpallur non grata nga SHBA, vazhdon të jetë i lirë, nën mbrojtjen e Edi Ramës. Të tjerë njerëz të afërt të Edi Ramës vazhdojnë të mos hetohen për lidhjet me trafikantët e drogës që blenë zgjedhjet për Edi Ramën në Durrës, Kavajë, Shijak, Lezhë etj. SPAK duhet të veprojë në mënyrë të plotë dhe të mos fshihet pas gishtit. Manipulimi i zgjedhjeve të 2017 kërkon drejtësi dhe ndëshkim, duke filluar nga koka dhe jo nga bishti.”
Reagime për këtë çështje pati edhe nga kryeministri Edi Rama, presidenti Ilir Meta dhe ambasadorja Yuri Kim.
