Sekretari i Përgjithshëm i PD, Gazment Bardhi u takua këtë të martë me fermerët në Klos të Cërrikut.
Teksa dëgjoi ankesat e tyre, ai u premtoi subvencion pa shumë procedura dhe pa kritere përjashtuese.
Bardhi tha se PD do të vendosë në dispozicion 100 milionë euro çdo vit për mbështetjen e fermerëve.
“Jo vetëm nuk i mbështesin fermerët, por edhe i tallin duke i lodhur me letra e burokraci pa fund, që janë jo pak shpenzime, dhe në fund i refuzojnë, pasi kanë vendosur kritere për të favorizuar miqtë e tyre. Vëri këmbën në fyt fermerit e punëtorit që të ngrenë krye ca horra. Kjo ka ndodhur prej 8 vitesh. Kjo do të marrë fund me 25 prill. Të bëhemi bashkë e t’i japim zgjidhje. Socialistë e demokratë, se e kemi hallin të përbashkët. Ne kemi një plan që jep subvencion direkt, pa kritere përjashtuese e pa burokraci, mjafton vetëm karta e identitetit. Secili do të marrë mbi bazën e prodhimit. Janë 100 milionë euro që do të jepen çdo vit. Aq sa nxjerr në serë, në arë, aq do marrësh”, tha Bardhi.
