Sekretari i Përgjithshëm i PD, Gazment Bardhi deklaroi se kryeministri Edi Rama është i frikësuar dhe për këtë arsye po mbron kriminelët. Ai tha në “Facebook” se Rama nuk e lëshon Vangjush Dakon sepse ka frikë se pas tij bie edhe ai. Sipas tij, për këtë arsye kreu i qeverisë hedh poshtë edhe vendimin e DASH.

 

“Këmbëngulje e Edi Ramës për të mbrojtur Vangjush Dakon nuk është vetem arrogancë. Është frikë! Është frika e kreut të bandës, se mos anëtarët e bandës pendohen dhe, për të shpëtuar nga burgu, i hanë kokën shefit! Para frikës së humbjes së pushtetit kriminal dhe pasurimit të paligjshëm, para frikës së drejtësisë, Edi Rama hedh në kosh edhe Departamentin Amerikan të Shtetit, që ka shpallur non grata mikun e tij Vangjush Dako, me të cilin ai mban pushtetin në qarkun e Durrësit. Koha e Edi Ramës ka mbaruar! Anija e tij po mbytet!”

Leave a Reply

Your email address will not be published. Required fields are marked *