Kandidati për deputeti i PD në Shkodër, Bardh Spahia ftoi të rinjtë shqiptarë që të bashkohen me Partinë Demokratike për të sjellë ndryshimin.
Gjatë takimit elektoral në Shkodër, Spahia deklaroi se shpresa për qytetarët kthehet vetëm me PD.
“Të ftojmë çdo të ri e të re të bashkohet me ne për ndryshimin në 25 prill. 25 Prilli nuk është finishi, por starti i një kohe të re, i një modeli të ri të të bërit politikë, i një modeli të ri qeverisje, ku zëri kryesor do të jetë zëri i të rinjve. PD dhe programi i saj janë e vetmja mundësi që për shkodranët të rikthehet shpresa, për familjet, për rininë, për ekonominë, për rikthimin e Shqipërisë në rrugën drejt BE. Kjo është sfida jonë e përbashkët, për punësim, ekonomi, integrim”- u shpreh Bardh Spahia në takimin hapës me të rinjtë.
