Gerryerja e tokave nga lumi Shkumbin, ka zvogëluar sipërfaqen tokësore për banorët e Qendrës administrative të Shushicës. Banorët pretendojnë se lumi ka gërryer gjatë gjithë gjatësisë së tij mbi 30 hektarë tokë.
Më e rëndë situata paraqitet për 18 familje të cilët i kanë shtëpitë më pranë dhe rrezikojnë përmbytjen. Njëzëri banorët kërkojnë ngritjen e pritave provizore për të përballuar emergjencën e këtij viti, ndërsa investimin total e kërkojnë pas stinës së dimrit.
Pavarësisht se sipërfaqet e tokave u janë reduktuar ndjeshëm, banorët paguajnë taksë të plotë. Më shumë në lidhje me këtë fenomen ka folur dhe agronomi i zonës, Ymer Terziu i cili ka qënë pjesë e komisioneve të ndarjes së tokës kërkon rivlerësim për tokat bujqësore në Shushicë.
Në mbështetje të banorëve të Shushicës ishte edhe deputeti Demokrat Luçiano Boçi, i cili pasi e cilësoi situatën serioze,kërkoi investime nga qeveria qëndrore dhe pushteti lokal, që të akordoje fonde nga fondi i emergjencave.
Gërryerja e tokave bujqësore nga lumi Shkumbin është një problem i vjetër, por që është bërë më problematik vitet e fundit.
