Banorët e Durrësit, banesat e të cilëve u dëmtuan nga tërmeti tragjik i 26 nëntorit, ankohen se nuk kanë marrë bonusin e qirasë.
Edhe pse prej gjashtë muajsh janë shpërngulur në banesa te tjera, ata thonë se kanë marrë nga bashkia vetëm katër këste.
Për banorët, jetesa gjatë kësaj periudhe është bërë më e vështirë pasi janë vendosur nën presion nga ana e qiradhënësve për çështjen e lekëve.
Në lidhje me këtë shqetësim, Bashkia e Durrësit tha për “Vizion Plus” se ngërçi është krijuar për shkak të vonesave të shkaktuara nga ana e bankave.
Sipas bashkisë, kete te premte ka kaluar kësti i pestë i bonusit të qirasë për një pjesë të qytetarëve në katër banka të nivelit të dytë, ndërsa në ditët në vijim do të përfundojë likuidimi dhe për pjesën tjetër të banorëve.
