Këshilli i Imunitetit dhe Mandateve do të mblidhet më datë 28 janar për të shqyrtuar kërkesën e SPAK për heqjen e imunitetit të deputetit zv/kryeministres dhe njëkohësisht ministrja e Infrastrukturës dhe Energjisë, Belinda Balluku, vendim ky i marrë nga Kuvendi i Shqipërisë.
“Me Urdhrin nr. 3, datë 12.01.2026, është thirrur mbledhja e Këshillit për Rregulloren, Mandatet dhe Imunitetin në datën 28 janar 2026, ora 12:00, në Kryesinë e Kuvendit, për vijimin e shqyrtimit procedural të kërkesës së Prokurorisë së Posaçme, që ka për objekt dhënien e autorizimit nga Kuvendi për arrestimin/heqjen e lirisë së deputetit/ministrit/zëvendëskryeministrit, nëpërmjet zëvendësimit të masës së sigurimit, sipas procedurave të parashikuara nga Kushtetuta dhe Rregullorja e Kuvendit”, thuhet në njoftimin e Kuvendit.
Kujtojmë se Grupi Parlamentar i Partisë Demokratike njoftoi këtë të hënën se ka depozituar një kallëzim penal për kryerjen e veprës penale “Shpërdorim i detyrës”, ndaj Kryetari të Kuvendit Niko Peleshi pasi refuzoi në mënyrë të përsëritur të mbledhë Këshillin e Mandateve për imunitetin e Belinda Ballukut. PD ka kërkuar që mbledhja të zhvillohet më herët, por Peleshi ka caktuar 28 janarin, datë kjo e kërkuar edhe nga avokatët e Ballukut, për shqyrtimin e çështjes./vizionplus.tv
