Ish-deputeti i Partisë Demokratike, Klevis Balliu shprehet se fuqizimi i krimit është arritja më e madhe e kryeministrit Edi Rama në këto 6 vite qeverisje.
Në një postim në “Facebook”, Balliu akuzon kreun e qeverisë për vjedhje votash përmes krimit, ndërsa shtoi se Rama nuk e mbulon dot partneritetin e tij me bosët kryesorë të krimit të organizuar në Shqipëri.
“Kryeministri i votave të vjedhura me krimin l, nuk e mbulon dot partneritetin e tij me bosët kryesorë të krimit të organizuar në Shqipëri. Në qeverinë e tij, kriminelët kanë pastruar paratë e tafikut të drogës me leje ndërtimi, me tendera dhe koncesione. Është mbështetja politike e qeverisë së Edi Ramës që ka fuqizuar krimin shqiptar, për të cilin flet kreu i antimafies Italiane”, tha Balliu.
