Taulant Balla, deputet i Partisë Socialiste akuzon dhëndrin e ish-kryeministrit Sali Berisha, Jamarbër Malltezi se e ka goditur mbrëmjen e te premtes në aeroportin ndërkombëtar të Romës. Menjëherë pas mbërritjes në atdhe, Balla bëri një kallëzim penal në komisariatin e Rinasit ndaj Malltezit, ndërkohe qe dosja pritet t’i kaloje Prokurorisë për veprime të mëtejshme hetimore. Deputeti i PS reagoi edhe në rrjetet sociale, duke përshkruar të gjitha ngjarjen ku sipas tij, u godit nga ana e majtë nga një person me kapele dhe u ofendua nga Argita Berisha. “Nuk e kisha pare ndonjëherë nga afër, por ia njoh fytyrën. Ndërkohë që shquajta që personi me kapele mund te ishte burri i Argites. I thashë vetëm: “jeni çmendur?” Ndërkohë qe të dy bërtisnin vetëm fjalën “qelbësirat” shkruan Taulant Balla ne facebook. Nga ana tjetër, policia po kryen aktin mjeko-ligjor për Taulant Ballën, pasi ky i fundit pretendon se u dhunua për shkak të detyrës.

Leave a Reply

Your email address will not be published. Required fields are marked *