Ish deputeti Azgan Haklaj ka deklaruar se beson tek drejtësia e re dhe sipas tij po vjen ora e arrestimeve të mëdha.
Referuar ngjarjes aktuale ku pastruesja i vodhi këshilltares së Ahmetajt mijëra euro, Haklja shtoi se “Tigri” duhet të ishte në bankën e të akuzuarve dhe zhdukja e tij e bën situatën mjaft qesharake.
Ish deputeti tha se e vërteta ende nuk dihet pasi të dhënat mes policisë, prokurorisë dhe të akuzuarëve janë kontradiktore.
“Një pastruese shkon në bankën e të akuzuarve dhe ai që nuk ishte atje, “Tigri” e bën një skenë më qesharake se këto.
Në njërën anë është pastrimi i parave të vjedhura dhe në anën tjetër bëhet bete ja se kush do e marrë vulën. Është një gërshetim shumë i çuditshëm që këtej pastrohen paratë e krimit këtej ende nuk është vendosur se kush do e marr vulën.
Viti që mbyllën patëm zgjedhje në SPAK, patëm plotësimin e Gjykatës Kushtetuese. Unë besoj tek drejtësia. Po vjen ora e mbajtjes së përgjegjësisë të të gjithë atyre që kanë drejtuar. Ministra, zv.ministra duhet të ishin sot në SPAK. Ne kemi ende të dhëna kontradiktore mes policsë, atyre që janë të akuzuar dhe prokurorisë. Ende nuk dimë kush është e vërteta”, tha Haklaj.
