Përfundon senaca gjyqësore ndaj Zani Çaushit. Gjykata vendosi administrimin e plotë të viteve të dënimit për rillogaritjen e tyre. I është lënë detyrë IEVP Drenovë që të paraqesë të gjitha aktet e dosjes të të dënuarit Myrteza Çaushi. Avokati Arben Lena tha se vitet e dënimit duhet të llogariten saktë. Sipas tij, ish-kapobanda e Vlorës ka vuajtur deri tani 31 vite e 3 muaj burg.
“Ne dhe gjykata do të kemi një panoramë shumë të qartë të vendimeve penale. Kemi dy vendime penale të ekzekutuara nga shteti dhe në momentin që do të kemi aktet do shohim se sa saktë janë zbatuar këto akte në lidhje me dënimin e tij. Në mënyrë taksative atij nuk duhet ti mohohen të drejtat e tij dhe ne mënyrë taksative të llogariten saktë vitet e dënimit. Ne nuk e dimë se ku mund ti jenë shkelur të drejtat e Çaushit, ndaj edhe për këtë gjykata ka lene keto detyre. Por duhet të kuptojmë që institucionet e atëhershme nuk kanë pasur të njëjtën cilësi pune si sot. Nuk mund të them më shumë sesa vetëm që Zani Çaushit ti rillogariten saktë vitet e dënimit, ashtu si ky rast do të jetë një precedent pozitiv edhe për shumë të burgosur të tjerë për rillogaritjen e viteve të dënimit në mënyrë të saktë.”
