Avokati i Shullazit kundërshton provat e prokurorisë
Avokati i Emiljano Shullazit, Vladimir Mece kërkoi pafajësi per klientin e tij. Ne seancen e kesaj te marte ishte radhe e mbrojtjee te paraqiste argumente e saj. Sipas avokatit Meci akuzat e ngritura ndaj Shullazit janë të pabazuara në prova e në fakte.
Meçe u shpreh se prokurori i nisi hetimet pas një deklaratë të bërë publike nga ish-kryeminiatri Sali Berisha se Emiljano Shullazi kishte kërcënuar Mynyr Konin e Dhori Kulen.Sipas avokatit, deklaratat nga njerëz të politikës kanë ndikuar edhe tek opinioni publik për të besuar akuzat ndaj Shullazit dhe bashkëpunëtorëve të tij.
Ai sqaroi më tej, se theniet e Ylvi Beqjas janë kontradiktore pasi kontratat janë kryer para noterëve.
Vladimir Meçe paraqiti konkluzionet përfundimtare edhe për Endrit Qyqen per te cilin gjithashtu kërkoi pafajësinë.
Ndërkohë, avokatët e 3 të pandehurve të tjerë, Gilmando Danit, Endrit Zelës dhe Blerim Shullazit kërkuan më shumë kohë për shkak të dosjes voluminoze.
Kërkesa e tyre u pranur dhe seanca e rradhës u caktua më 13 nëntor, ku pritet që gjykata të japë edhe vendimin për Emiljano Shullazin dhe anëtarët e grupit të tij. Për ta, organi i akuzes kërkoi dënimin në total me 64 vite burgim nga të cilat 17 vetëm për Emijano Shullazin.
Shullazi dhe anëtarët e grupit akuzohen për veprat penale “Krijim grupi të strukturuar kriminal”, “Shtrëngim me anë të kanosjes ose dhunës për dhënien e pasurisë”, në dëm të shtetasve Ylvi Beqja, Jani Zaka dhe Adriatik Kërçuku, “kanosje për shkak të detyrës”, në dëm të Mynyr Konit e Dhori Kules. Seanca u ndoq edhe nga perfaqesues te ,mabsades amerikane dhe asaj gjermane.
