Pesëmbëdhjetë persona në Korenë e Jugut u plagosën, dy prej tyre në gjendje të rëndë, pasi një avion luftarak hodhi aksidentalisht tetë bomba në një lagje civile gjatë një stërvitjeje ushtarake, njoftuan mediat lokale.
Incidenti ndodhi rreth orës 10:04 me orën lokale (01:04 GMT) në qytetin Pocheon, pranë kufirit me Korenë e Veriut.
Forca Ajrore e Koresë së Jugut tha se po hetonte incidentin dhe kërkoi falje për dëmin, duke shtuar se do të ofronte kompensim për të prekurit.
Sipas mediave lokale, dy persona kanë pësuar fraktura në qafë dhe shpatulla.
Ushtria tha se piloti i njërit prej avionëve futi gabimisht koordinatat e gabuara, duke shkaktuar rënien e bombave në komunitetin civil.
Një banor i zonës tha se ai ndodhej në shtëpi kur dëgjoi shpërthimin, i cili tronditi banesën.
Drejtori i një qendre të kujdesit për të moshuarit aty pranë tha se xhamat e ndërtesës u thyen dhe një nga mësuesit e tyre u dërgua në spital me lëndime.
Ndërsa asnjë i moshuar nuk u lëndua.
Ministria e Mbrojtjes tha se trajnimi të enjten lidhej me një stërvitje të përbashkët me forcat amerikane.
Koreja e Jugut dhe SHBA-ja do të zhvillojnë stërvitje të kombinuara nga data 10 deri më 20 mars, të parat që nga kthimi i presidentit amerikan Donald Trump në Shtëpinë e Bardhë./vizionplus.tv
