Grupi hetimor ka sekuestruar si provë materiale telefonin e autorit të masakrës në fshatin Resulaj në Selenicë të Vlorës.
Sipas burimeve nga grupi hetimor bëhet me dije se autori 24-vjeçar, pasi kreu masakrën ka filmuar viktimat dhe masakrën që kishte kryer me telefonin e tij. Paraprakisht dyshohet se ai i ka dërguar si prove një video djalit të hallës në “Facebook Messenger”.
Ndërkohë aktualisht autori Ridvan Zykaj mbahet në ambientet e Drejtorisë së Policisë së Vlorës dhe pritet që të hënën të dalë para gjykatës së këtij qyteti.
