Policia e Vlorës ka vënë në pranga një 31-vjeçar dhe ka shpallur në kërkim dy persona të tjerë, autorë të dyshuar të disa vjedhjeve.
Në pranga ra shtetasi E. B., 31 vjeç, banues në Fitore. Ndërsa u shpallën në kërkim shtetasit G. S., 28 vjeç, dhe M. Z., 30 vjeç, banues në Fitore.
Nga hetimet dyshohet se këta shtetas, në orët e para të mëngjesit të datës 17.03.2025, kanë vjedhur në dy banesa të shtetasve që aktualisht jetojnë jashtë vendit, si dhe në banesën e një shtetasi tjetër, nga ku kanë marrë edhe një automjet të markës “Land Rover”, i cili është gjetur dhe sekuestruar në cilësinë e provës materiale.
Policia njofton se po vijon punën për lokalizimin dhe kapjen e shtetasve të shpallur në kërkim, si dhe për dokumentimin e rasteve të tjera ku këta shtetas dyshohen se janë autorë./vizionplus.tv
