Dr. Arban Domi shprehet pro autonomisë spitalore. Në një lidhje direkte për emisionin “Quo Vadis”, Domi theksoi se ky është një hap pozitiv, por që duhet të plotësojë disa kushte themelore për të pasur efektin e dëshiruar.
“Është një hap shumë pozitiv autonomia e spitalit, por ka dy elementë për mendimin tim të rëndësishëm, së pari autonomia duhet të jetë absolute, jo vetëm menaxheriale por edhe buxhetore. Së dyti, nuk mund të bëhet thjesht një autonomi spitalore pa bërë në të njëjtën kohë një reformë të sigurimit shëndetësor, privat apo shtetëror. Këto janë dy shtyllat kryesore, autonomi absolute dhe e dyta një reformë e sistemit të sigurimeve”, tha ai.
Lexo edhe :
Related Posts
Ai theksoi se reformimi i sistemit të sigurimeve duhet të bëhet duke përfshirë edhe sistemin privat të shëndetësisë, në mënyrë që kostoja e shërbimeve të mos rëndojë e gjitha mbi qytetarët.
“Çështja është që kur shkon tek privati duhet të jetë e njëjta gjë, nuk do të thotë që sigurimet shëndetësore t’i paguajnë privatit të njëjtën tarifë si në shteti, për arsye se tarifat duhet të jenë të ndryshme, por duhet të paguajë tarifën bazë që konsiderohet në shtet për një shërbim të caktuar le të themi është 1 mijë lekë një vizitë te specialisti në shtet dhe në privat 2 mijë, të paktën duhet ti paguhet 1 mijë”, tha ai./vizionplus.tv/
