Një autobus i linjës së “Tiranës së re” në kryeqytet është përfshirë në një aksident këtë të diel te “Stacioni i Trenit”.
Pasagjerët, të frikësuar, kanë dalë menjëherë nga autobusi për të shpëtuar nga ndonjë goditje. Ndërkohë, dy prej tyre kanë marrë dëmtime të lehta.
“Tek ish stacioni i Trenit, një mjet autobuz, dyshohet se si pasojë e humbjes së kontrollit mbi mjet ka dalë nga rruga dhe është përplasur me një pemë. Si pasojë janë dëmtuar lehtë dy pasagjerë, të cilët u dërguan në spital, për ndihmë mjekësore. Grupi hetimor punon për sqarimin e rrethanave të ngjarjes”, thuhet në njoftimin e policisë.
