Austria ka ashpërsuar masat anticovid për udhëtarët. Nga 15 shtatori, vetëm të vaksinuarit apo ata që dëshmojnë se kanë kaluar Covid-in mund të udhëtojnë nga Shqipëria drejt Austrisë, pa pasur nevojën të karantinohen.
Qytetarët e pavaksinuar duhet më parë të regjistrohen, të paraqesin test negativ dhe më pas të hyjnë ne karantine 10-ditore me shpenzimet e tyre.
Sipas Ministrisë së Jashtme, karantina mund të përfundojë nëse pas pesë ditësh testi del negativ.
Nga detyrimi për karantinim përjashtohen ata që udhëtojnë për biznes, të miturit mes moshës 12-18 vjeç, ata që kanë arsye urgjente e familjare, si edhe forcat humanitare.