Aurela Gaçe është një nga këngëtaret, e cila gjithmonë prodhon lajm. Sigurisht për një artiste të nivelit të saj, mendimet dhe reagimet në lidhje me muzikën janë vërtetë domethënëse. Është ndër të paktat këngëtare që në karrierën e saj muzikore i ka bërë të gjitha, por ndryshe nga të tjerët ja ka dalë me sukses.
Sigurisht që rrjetet sociale dhe aktivizimi në të ka përfshirë dhe një artiste si ajo. Jo vetëm për bëmat e saj në karrierë, por dhe për jetën e saj familjare. Aurela është shumë aktive në faqet zyrtare në Facebook dhe Intagram.
Këtë herë mediat kanë shkruar në lidhje më një reagim të këngëtares, ngacmuar nga një video në youtube e këngës së saj pjesëmarrëse, vite më pare, në Eurovizion. Video është realizuar nga një këngëtar turk, i cili këngën “Feel the passion” e ka përkthyer dhe kënduar në gjuhën turke.
Pasi këngëtarja e ka parë këtë video, me një postim në faqen e saj në Instagram shkruan:
“E kishit dëgjuar këngën tonë në turqisht ju? Unë jo për vete. Po që më pëlqeu. E kanë përkthyer ëëë…!”.
Sigurisht që nuk kanë munguar komentet e fansave të saj, njëri prej të cilëve ka përmendur se “siç duket do ta shohim së shpejti në Eurovizion”. Ka qenë i menjëhershëm reagimi i këngëtares: “Asnjëherë më! As në ëndrra s’e kam në mend.”
Në fakt zhgënjimi i Aurelës në lidhje me përfaqësimin e saj në Eurovizion, nuk është më një gjë e re. Megjithatë këtë herë publiku ka mësuar se prej Aurela Gaçes nuk do të ketë më një rikthim të dytë në këtë kompeticion. Përse? Këtë e di Aurela.
