Borussia Dortmund humbi në fundjavë një ndeshje të rëndësishme me Bayernin e Munich-ut. Skuadra e Thomas Tuchel vuan prej kohësh shumë mungesa, por së fundmi problemi kryesor ka qenë Aubameyang. Shtatlarti me origjinë nga Gaboni, nuk arriti të shënojë gol kundër Bayernit, ndërsa problemi i festimit të tij me maskë të firmës Nike, shoqëroi gjatë gjithë javës shtypin gjerman.
Sipas gazetave të përditshme atje Aubameyang do të gjobitet pasi e ka ripërsëritur shkeljen kontratave të markës Puma që ka me skuadrën së tij si sponsor gjeneral. Por kjo nuk mbaron këtu. Së fundmi ka pasur sërish spekulime të merkatos ku 27-vjecari, autor i 25 golave thuhet se do të largohet me destinacion Barcelonën ose Realin e Madridit. Në këtë pikë ka folur drejtori i përgjithshëm i Dortmundit, Hans-Joachim Watzke, i cili ka theksuar se në mënyrë kategorike verdhezinjtë nuk do t’ia shesin sulmuesin e tyre Bayernit, ndërsa janë të hapur për oferta nga Barca apo Reali.
E gjithë kjo situatë vjen në një moment kur Dortmund pret të martën Monacon në cerek-finalen e parë të Champions League-ës. Bardhekuqtë kanë rikuperuar pjesën më të madhe të lojtarëve, dhe pikërisht Radamel Falcao ishte autor i golit të fitores në fundjavë ndaj Angers, gol që e mbajti Monacon në krye të Ligue 1 dhe tërësisht të fokusuar në Champions, atje ku sipas Jardim skuadra mund të japë akoma më tepër.
