Zbulohen të tjera detaje nga krimi që tronditi pasditen e të hënës Elbasanin. 39-vjeçari Emiljano Ramazani u qëllua me pistoletë poshtë shtëpisë së tij, teksa ndodhej ende në makinën “Ford Fokus”.
Mësohet se ai po e parkonte mjetin në momentin e ngjarjes. Nga ana e policisë janë ngritur postoblloqe të shumta për të kapur autorët, si edhe janë sekuestruar kamerat e sigurisë.
Por deri tani nuk ka asnjë informacion se kush mund të kenë qenë ata.
Dyshimet e para për ngjarjen lidhen me prishje pazaresh droge, duke qenë se Emiljano Ramazani, i njohur si “Rramami” ishte arrestuar disa herë për trafikim lëndësh narkotike.
