Një 17-vjeçare humbi jetën dhe një tjetër u plagos, si pasojë e një atentati të ndodhur mbrëmjen e kësaj të mërkure në zonën e Laprakës, në kryeqytet.
Sipas policisë ka mbetur shtetësja 17-vjeçare Brisilda Gjinkola ndërsa i plagosur shtetasi Erjon Benga 23 vjeç.
Pas hetimeve paraprake, policia ka mundur të identifikojë dhe të shpallë në kërkim autorin e ngjarjes, por për arsye hetimore nuk jep asnjë detaj mbi të.
Ngjarja dyshohet të ketë ardhur për motive të dobëta, ku autori qëlloi me armë zjarri ndaj dy shtetasve që ndodheshin në një automjet në zonën e Laprakës.
