Pak orë pas vrasjes se zyrtarit të OSHEE-së Saimir Jaku, policia ka gjetur automjetin e djegur me të cilin dyshohet se kanë lëvizur autoret e atentatit mafioz. Mjeti tip Benz u gjet i djegur në fshatin Vinjollë të Kurbinit, zonë e thellë malore. Autoret qe dyshohen te jene me shume se dy, u detyruan ta braktisin mjetin dhe më pas ti vënë flaken, duke fshire ne këtë mënyrë edhe provat materiale qe mund te zbuloheshin nga policia shkencore. Pavarësisht se operacioni vijon që prej ditë së premte nuk ka ende asnjë gjurmë te vrasësve, të cilët mund te kenë vepruar me pagese. Në lidhje me ngjarjen u shoqëruan në komisariat 20 persona te cilët jane marre ne pyetje. Burimet e policisë bëjnë me dije se familjaret e viktimës Sajmi Jaku kane mohuar te kenë pasur me pare konflikte. Ish drejtori i OSHEE-se u ekzekutua me breshëri plumbash në mënyre mafioze në një lokal në qendër të qytetit të Rrëshenit, vetëm pak metra larg komisariatit të policisë. Për Prokurorinë e Lezhës, nuk përjashtohet pista e hetimit që lidhet me konfliktet për shkak të detyrës, ndërsa po verifikohet edhe periudha kur Saimir Jaku ka qenë emigrant në Itali, ku edhe mund të hidhet më shumë dritë për ngjarjen e rëndë.
