Një shqiptar në Spanjë është qëlluar me armë zjarri nga një ose më shumë autorë, ende të paidentifikuar.
Ngjarja ka ndodhur në në Castelldefels të Barcelonës. Shqiptari i plagosur është gjendur i shtrirë në tokë, i mbuluar nga gjaku.
Kanë qenë kalimtarët ata që kanë lajmëruar menjëherë policinë dhe ambulancën. Efektivët e Mossos d’Esquadra shkuan në vendngjarje dhe konfirmuan se i plagosuri, një djalë i ri shqiptar ishte qëlluar me një armë zjarri, tip pistoletë në këmbë.
Pas një operacioni, i riu momentalisht është jashtë rrezikut për jetën. Shqiptari nuk ka treguar se si ndodhi ngjarja apo se për çfarë.
Policia spanjolle ka informuar se ngjarja mund të ketë ndodhur për hakmarrje për trafikun e paligjshëm të marijuanës. /vizionplus.tv
