Dy shtetas të shpallur në kërkim janë arrestuar nga policia e Durrësit.
Njëri prej shtetasve të ndaluar dyshohet si autor i ngjarjes së ndodhur më datë 23.09.2018 në fshatin Armath, Manëz.
Shtetasi tjetër dyshohet si një nga autorët për ngjarjen e ndodhur më datë 25.08.2018, i cili në bashkëpunim me dy shtetas të tjerë (të arrestuar ) kanë tentuar të vrasin një 20 vjeçar.
- Algert Koleci 32 vjeç, banues në Armatë, Manëz;
- J.D. 17 vjeç, banues në Durrës.
Shtetasi Algert Koleci dyshohet se më datë 23.09.2018 në bashkëpunim me vëllain e tij, shtetasin Admir Koleci ( i ndaluar) dhe më babin e tij, shtetasin M.K. (shpallur në kërkim) për motive pronësie janë konfliktuar dhe kanë goditur me sende të forta shtetasen Q.K.
Ndërkohe për shtetasin me iniciale J.D. ishte dhënë masa e sigurisë “Arrest me burg” pasi më 25 gusht të këtij viti në lagjen Nr.15 , Durrës për motive të dobëta, në bashkëpunim me shtetasit Nikoll Përlleshi dhe Bibë Deda (babai i shtetasit J.D.), të dy të arrestuar kanë tentuar të vrasin duke e goditur disa herë me thikë në trup shtetasin D.D. 20 vjeç, banues në Durrës.
