Atalanta e Berat Gjimshitit po zhvillon një kampionat të madh, ndërsa ka marrë një tjetër fitore të rëndësishme, këtë herë në “Olimpico” të Romës përballë skuadrës vendase.
Atalanta ka fituar me rezultatin 0-2, duke treguar se pjesëmarrjet e saj vitet e fundit në Champions League nuk janë të rastësishme.
Një ndeshje e dominuar totalisht nga bergamaskët të cilët edhe u shpërbyen me tre pikë.
Pas kësaj fitoreje Atalanta pozicionohet në vendin e dytë me vetëm 1 pikë më pak se Napoli kryesues, ndërsa Roma renditet në vendin e 15-të me vetëm 2 pikë larg Komos së vendit të 18-të.
Golat për Atalantën në mbrëmjen e sotme i realizuan De Ron në minutën e 69-të dhe Zaniolo në të 89-ën. Për sa i përket Berat Gjimshitit, kapiteni i Kombëtares shqiptare, u aktivizua nga stoli, duke u hedhur në fushën e lojës në minutën e 83-të. Në duelin e radhës Atalanta do të presë Milanin, ndërsa Roma pret Leçen.
