Policia ka vënë në pranga 3 shtetas të dyshuar si autorë të kultivimit të rreth 930 rrënjëve kanabis sativa në Kurbin, ndërsa do të procedohen në gjendje të lirë Kryeplaku i Fshatit me iniciale S. S. 39 vjeç, banues në Kurbin dhe Drejtori i Mjedisit, N.M. 65 vjeç, banues në Kurbin.
Në kuadër të operacionit “Befasia”, policia ka arrrestuar në flagrancë shtetasit :
Xhaferr Lika, 29 vjeç, banues në Kurbin
Elez Lika, 25 vjeç, banues në Kurbin
Gazmir Lika, 26 vjeç, banues në Kurbin
“Më datë 08.06.2017, në vijim të planit për goditjen e kultivimit të bimëve narkotike, u ushtrua kontroll territori dhe në Kurbin, në fshatin Gërnac , në vendin e quajtur ‘Livadhet e Gërnaces’, u konstatuan 2450 gropa të hapura dhe pranë kësaj parcele u gjetën 62 kutia polisteroli me nga 40 kubikë secila, ku rezultonin të mbira në këto kubikë 930 fidanë bimë narkotike Cannabis – Sattiva me lartësi 1-2 cm të cilat u asgjësuan”, thuhet në njoftimin e policisë.
Materialet proceduriale iu referuan Prokurorisë së Rrethit Gjyqësor Kurbin.
