“Ecja me vete nuk është nje opsion as per Europen dhe as per Amerikën”. Ky është paralajmërimi qe shefi i NATO-s Jens Stoltenberg ka bere, duke u kthyer nje përgjigje deklaratave qe presidenti i ri amerikan Donald Trump ka bere gjate fushatës elektorale.
“Është shumë e thjeshtë qe liritë, sigurinë dhe perspektivën që kemi, t’i marrim si te mirëqena. Në këto kohë të paqarta ne kemi nevojë për një lideriship me të fortë amerikan, por edhe evropianet duhet te kenë pjesën e tyre te barrës. Të ecim të ndarë nuk është një opsion as për Europën, as për Shtetet e Bashkuara. Ne përballemi sot me sfidat më të mëdha të sigurisë ndër breza. Nuk është ky momenti i duhur për të vënë në pikëpyetje vlerat e partneritetit mes Europës dhe SHBA-se. Por mbi të gjitha, ne duhet të pranojmë vlerat e partneritetit mes Europës dhe Amerikës, pasi kjo mbetet e detyrueshme”.
Ne fjalimet e tij Trump jo pak here e cilësoi NATO-n nje organizate te vjetruar dhe te paafte per t’u përballur me kërcënimin terrorist. Ne komentet e bera ne nje shkrim per gazetën britanike “Observer”, megjithatë Stoltenberg pranoi se Trump ka të drejtë kur thotë se disa vende anëtare duhet të japin kontribute financiare më të mëdha, pasi aktualisht SHBA mbulojnë thuajse 70 përqind të shpenzimeve të NATO-s. Trump ishte shprehur se SHBA duhet te mendoheshin dy here përpara se te ndihmonin nje vend aleat te NATO-s ne rast te nje konflikti ushtarak, nese ai vend nuk i ka paguar detyrimet qe i takojnë ndaj aleancës .Por Stoltenberg theksoi gjithashtu se udhëheqësit amerikanë kanë pranuar gjithnjë interesin e thellë dhe strategjik për një Europë të qëndrueshme dhe të sigurte.
“Sulmet e 11 shtatorit në SHBA kanë qenë i vetmi rast që NATO ka ushtruar klauzolën e vetëmbrojtjes, gjë që kërkon nga të gjithë anëtarët t’i vijnë në ndihmë vendit që sulmohet. Ai rast ka qenë më shumë sesa simbolik. NATO shkoi për të marrë drejtimin e operacioneve në Afganistan, qindra e mijëra ushtarë europianë kanë shërbyer atje që prej asaj kohe. Ndërsa më shumë se 1.000 ushtarakë humben edhe jetët në operacionet që ishin kundërpërgjigje e drejtpërdrejtë e sulmit ndaj SHBA-se”.
Kjo ndërhyrje e Stoltenberg pak dite pas zgjedhjes se Trump president nënvizon shqetësimin e thelle qe ekziston ne qarqet ushtarake evropiane me ketë ndryshim ne Shtëpinë e Bardhe. Ne shkrim Stoltenberg përmend edhe konfliktin me Rusinë dhe rritjen e mbrojtjes kolektive ne nivelin me te larte qe nga Lufta e Ftohte, ku SHBA do te kontribuoje me nje brigade ne lindje te Europes.
