Autoriteti Rrugor Shqiptar ka bërë me dije se situata e rrugëve vijon të jetë e vështirë në disa akse kryesore të vendit.

 

Në një njoftim në “Facebook”, ARRSH ka sqaruar se në të gjithë akset rrugore të rajonit verior ka prezencë ngricash si pasojë e temperaturave të ulëta gjatë natës.

 

Sipas ARRSH kontraktorët kanë bërë hedhjen e kripës ndërsa segmentet janë të kalueshme me zinxhir ose pjesërisht me zinxhir.

 

Kështu në rajonin verior janë të kalueshme me zinxhirë akset rrugore: Domaj- Drajë Rec; Qafë Mali- Fierzë; Ura e Cerenecit-Steblevë; Kuben-Vasije; Peshkopi-Qafë Drajë; Peshkopi-UShtelencë; Qafë Bualli-Krastë; Trebisht-Doganë. Nërsa në akset e tjera qarkullimi është normal.

 

Rajoni Qendror: Gjatë natës ka pasur temperatura të ulëta dhe tani kanë filluar reshje të dobëta. Është punuar nga kontraktorët që në orët e para të mëngjesit për shpërndarjen e kripës në segmentet ku ka prezencë ngricash.

 

Qarkullimi në akset e këtij Rajoni është si më poshtë: Aksin nga Trau i Dajtit-Teleferik -Vilat Qeveritare, rekomandohet përdorimi i zinxhirëve , për shkak të prezencës së ngricave; Qafë Priskë-Shëngjergj rekomandohet përdorimi i zinxhirëve për shkak të prezencës së ngricave; Qafë Priskë-Qafë Mollë rekomandohet përdorimi i zinxhirëve; Aksi Krujë Sarisalltik rekomandohet pjesërisht me zinxhir; Lunik-Steblevë rekomandohet me zinxhir në pjesën fundore të tij. Në akset e tjera qarkullimi është normal.

 

Rajoni Jugor: Gjatë natës ka pasur temperatura të ulëta, sidomos në Qarkun e Korçës. Që në orët e para të mëngjesit është bërë shpërndarja e kripës nga ana e kontraktorit për shkak të temperaturave dhe prezencës së ngricave në rrugë.

 

Qarkullimi në akset e këtij Rajoni paraqitet si më poshtë: Në Qarkun Korçë qarkullimi është normal pa zinxhir; Në Qarkun Gjirokastër qarkullimi normal pa probleme; Në Qarkun Vlorë qarkullimi i mjeteve bëhet normalisht pa zinxhir; Të gjithë kontraktoret janë në gatishmëri, pasi pritet që pasdite të ketë reshje bore; Për shkak të temperaturave të ulëta, rekomandohen përdoruesit e rrugës të bëjnë kujdes, të lëvizin me shpejtësi të reduktuar dhe të përdorin gomat e dimrit. Gjithashtu gjatë lëvizjes duhet të respektojnë sinjalistikën rrugore.

Leave a Reply

Your email address will not be published. Required fields are marked *