Autoriteti Rrugor Shqiptar ka bërë me dije se të gjitha rrugët kryesore të vendit janë të hapura dhe se qarkullimi kryhet normalisht.
Në një postim në “Facebook”, ARRSH ka theksuar se të gjitha kompanitë e mirëmbajtjes janë në gatishmëri dhe po punojnë për pastrimin dhe zgjerimin e rrugëve, si dhe shpërndarjen e kripës në segmentet ku ka pasur prezencë ngricash.
Sipas ARRSH në rajonin Jugor qarkullimi bëhet me zinxhir vetëm në aksin Korçë/Boboshticë-Dardhë, në 2 km e fundit, për shkak të ngricave dhe për veçoritë që ka rruga.
Ndërsa në Rajonin Verior qarkullimi bëhet me zinxhir vetëm në:
Zalldardhe-Reç-Draj Reç
Kryqëzim Domaj-Draj Reç
Ura e Cerenecit-Steblevë, 20 km e fundit të aksit.
Trebisht-Doganë