Vendet e pasura dhe të varfra kanë rënë dakord për një marrëveshje triliona dollarëshe për krizën klimatike në orët e para të mëngjesit të kësaj të diele në Baku ku po mbahet samiti i Klimës për këtë vit.
Marrëveshja pason dy javë diskutimesh të shoqëruara me debate dhe pakënaqësi të ndryshme nga shtetet anëtare.
Vendet e varfëra do të kenë të paktën 1.3 trilionë dollarë në vit fonde për një sasi më të vogël karboni dhe për të përballuar pasojat e motit ekstrem deri në vitin 2025.
Por, vetëm 300 miliardë dollarë prej tyre do të vijnë në formën që ata kanë më shumë nevojë, grante dhe kredi me interes të ulët nga bota e zhvilluar. Pjesa tjetër do të duhet të vijë nga investitorët privatë dhe një sërë burimesh të reja.
Disa nga vendet më të varfra e më të prekura nga ndryshimet e klimës, lufuan përgjatë këtyre dy javëve të sammitit që një pjesë më e madhe e parave të vinte nga vendet e zhvilluara megjithatë një gjë e tillë nuk u arrit. Këto të fundit thanë se nuk mund të ofronin më, për shkak të kufizimeve të tyre buxhetore.
SHBA dhe Kina, dy ekonomitë më të mëdha në botë dhe emetuesit më të mëdhenj të gazeve serrë , janë normalisht kombet kyçe në konferencën vjetore të palëve sipas konventës së OKB-së për ndryshimet klimatike. Por asnjëra nuk luajti një rol publik në Baku, duke lejuar vendet e tjera të drejtonin bisedimet.
Delegacioni i SHBA-së ende përbëhet nga zyrtarë të administratës së Joe Biden, por presidenca e afërt e Donald Trump ka premtuar se do ta ndalojë pjesmarrjen e delegatëve amerikanë në samit.
Marrëveshja parasheh që konferenca e ardhshme e OKB-së të mbahet në Brazil, përgjatë së cilës vendet pjesëmarrëse do të përcaktojnë hapat që do të ndërmarrin në dekadën e ardhshme për çështje klimatike. /vizionplus.tv
