Arrestohet shpërndarësi i kokainës në Tiranë
Një 40 vjeçar ka rënë në prangat e policisë së Tiranës, për armë zjarri pa leje dhe tregtim të lëndëve narkotike.
Në kuadër të operacionit të kosuar “Kombinimi”, është ndaluar E. R., 40 vjeç, i cili tregtonte lëndë narkotike kokainë, kanabis dhe ekstazi në zonën e Freskut dhe Kinostudios, në Tiranë.
Mbi bazën e këtyre informacioneve, u bë e mundur që gjatë zhvillimit të operacionit, në zonën e Freskut, të kapej në flagrancë 40-vjeçari, të cilit gjatë kontrollit fizik iu gjetën 11 doza me lëndë narkotike të dyshuar kokainë.
Kontrolli ka vijuar në banesën e 40-vjeçarit, ku Policia ka gjetur një armë zjarri pistoletë tip “Zastava”, doza të tjera me kokainë, cannabis sativa dhe ekstazi, si dhe peshore elektronike që shërbente për peshimin e lëndës narkotike.
