Policia e Filipineve ka arrestuar ish-Presidentin Rodrigo Duterte pasi Gjykata Ndërkombëtare Penale lëshoi një urdhër duke e akuzuar për krime kundër njerëzimit pas luftës së tij vdekjeprurëse ndaj trafikantëve të drogës.
80-vjeçari u vendos në paraburgim këtë mëngjes pak pasi mbërriti në aeroportin Manila.
Ai nuk ka kërkuar falje për luftën e tij brutale ndaj drogës, në të cilën humbën jetën mijëra njerëz kur ai mbante postin e presidentit që nga viti 2016 deri në vitin 2022.
Madje pasi u arrestua ai pyeti se çfarë krimi kishte kryer.
Ish-zëdhënësi i Duterte e ka cilësuar këtë vendim të paligjshëm, pasi sipas tij Filipinet janë tërhequr nga Gjykata Ndërkombëtare Penale në 2019-ën.
Por nga ana tjetër, anëtarët e Gjykatës thonë se ka juridiksion në Filipine për krimet që pretendohen se kanë ndodhur para se vendi të largohej si anëtar.
Sakaq Aktivistët e kanë quajtur arrestimin një moment historik.
Duterte ishte para arrestimit në Hong Kong ku po bënte fushatë për zgjedhjet afatmesme më 12 Maj pasi kandidon për kryebashkiak të Davaos./vizionplus.tv
