Aktori turk, Can Yaman, i njohur për rolin e tij në serialin “Sandokan” është arrestuar këtë të shtunë në Turqi.
Ai akuzohet si pjesë e trafikimit dhe përdorimit të drogës nga personazhe të famshëm, gazetarë dhe personazhe VIP në Stamboll, shkruajnë mediat e huaja.
Lexo edhe :
Yaman së bashku me aktoren Selen Gorguzel ishin midis shtatë personave të ndaluar gjatë natës në një operacion droge në Stamboll. Yaman është shumë i njohur edhe në Itali për rolin Sandokan në disa seriale televizive të suksesshme.
Yaman, së bashku me personat e tjerë të arrestuar, përfshirë pronarë klubesh, u dërgua në Institutin e Mjekësisë Ligjore të Stambollit për t’u testuar për përdorim të mundshëm droge. Hetimi u krye nga Byroja e Hetimit për Kontrabandën, Trafikimin e Drogës dhe Krimet Ekonomike e Zyrës së Prokurorit të Përgjithshëm të Stambollit.
Siç shkruajnë mediat turke, gjatë operacionit, forcat e rendit kryen kontrolle gjatë natës në nëntë lokale në qytet, duke çuar në arrestimin e disa tregtarëve të drogës dhe menaxherit të klubeve ku dyshohet se shpërndahej droga.
Hetimi, i cili kishte vazhduar për javë të tëra, kishte çuar tashmë në identifikimin e mbi njëzet personazheve VIP, personazheve të famshëm dhe gazetarëve, të cilët ishin vënë nën vëzhgim si pjesë e të njëjtit hetim.
View this post on Instagram
Aktori dyshohet se u gjet me narkotikë me vete, ndërsa ishte brenda njërit prej lokaleve të kontrolluara gjatë bastisjes dhe për këtë arsye u vu në arrest.
/vizionplus.tv
