Policia Rrugore deklaron se gjatë 24 orëve të fundit janë pezulluar 45 leje drejtimi, si dhe kanë përfunduar në pranga 12 drejtues mjetesh. Ndërkohë, janë ndëshkuar me gjobë edhe 1355 shoferë.
Në njoftim thuhet se vetëm 35 prej drejtuesve të mjeteve iu është tërhequr leja e drejtimit për shpejtësi mbi normën e lejuar
“Janë vendosur 239 masa administrative për parakalime të gabuara dhe 19 për mosrespektim të sinjalistikës rrugore dhe manovra të rrezikshme në rrugë; 4 masa maksimale me vlerë 30 mijë lekë të rinj, pasi drejtuesit e mjeteve ishin shtetas të huaj; 191 masa për mosvendosje të rripit të sigurimit dhe 211 për përdorim të celularit; 129 për mosvendosje të kaskës mbrojtëse dhe 457 masa për parkime të gabuara; 12 masa për shkelje të semaforit; 93 masa për mosdhënie përparësi këmbësorëve.”
Po ashtu, janë bllokuar 11 automjete, pasi rezultoi se drejtuesit e tyre kishin të pashlyera më shumë se 10 masa administrative.
“Nga kontrollet me drager në të gjithë vendin janë pezulluar 10 leje drejtimi, për drejtim mjeti nën efektin e alkoolit. Janë arrestuar në kushtet e flagrancës, për drejtim mjeti në gjendje të dehur, 2 drejtues mjetesh, ndërsa 10 të tjerë janë arrestuar për drejtim mjeti pa leje drejtimi.”
