Enkelejd Alibeaj ka kërkuar lirimin e kryetarit të shoqatës së të përndjekurve politikë në Mirditë, Kol Nikolli, i cili u arrestua me akuzën se ka bllokuar Rrugën e Kombit në protestën kundërr rritjes së çmimeve.
Ndalimi në kufi i një personaliteti që përfaqëson të përndjekurit politikë, shton Alibeaj, është padyshim prova që ky pushtet është kundër qytetarëve shqiptarë.
“Ndalimi në kufi si një kriminel, i një personaliteti që përfaqëson të përndjekurit politikë, familjarisht te persekutuat nga komunizmi, siç është rasti i Kol Nikollit, është padyshim prova që ky pushtet është kundër qytetarëve shqiptarë. Në vend që të ndalojnë ata që me aferën e inceneratorëve vodhën 430 milion euro, ndalojnë Kol Nikollin, vetëm se pretendohet se ka dalë krah qytetarëve të vet që ngritën zërin për rritjen e çmimeve. Pra, në shtetin e Edi Ramës, nëse vjedh 430 milion euro, shëtit i lirë e shkon në të gjithë botën, por ama nëse bën detyrën si qytetar i këtij vendi përfundon pas hekurave. PD i kërkon autoriteteve të lirojnë menjëherë kreu e shoqatës së të përndjekurve politikë Kolë Nikolli dhe ti kërkojnë falje publike.”
