Armët shqiptare në sulmet e Parisit?

Dy sulmet terroriste ne Francë gjatë vitit 2015 në janar në revistën satirike Charlie Hebdo dhe në nëntor në teatrin Bataklan e në gjashtë zona të tjera të Parisit, kanë patur një të përbashkët: kallashnikovët. Por nga i kanë siguruar terroristet këto armë, të cilat i kanë përdorur në dy prej ngjarjeve më tragjike që tronditën botën? Hetimet e sollën gazetaren e programit “Special Investigation” te “Kanal +”, Vanina Kanban, në Shqipëri. Një nga vendet origjinë të këtij trafiku armësh. Në këtë dokumentar, i cili ka nisur xhirimet që në vitin 2014, gazetarja francezë shfaqet duke intervistuar furnizuesit dhe transportuesit e armëve. Bëhet fjalë për kallashnikov, granata dorë dhe një sasi municionesh e ndarë në pako. Një tjetër grumbullues dhe shitës kallashnikovësh tregon për Kanban se nga kjo tregti fiton deri në 25 mijë euro në vit. Ai thotë se e bën këtë punë pasi nuk ka burime të tjera të ardhurash. Gazetarja franceze ka bërë dhe një pjesë të rrugës, me trafikantët, të cilët i transportojnë këto armë në pesë shtete të ndryshme deri në Strasburg. Por Shqipëria është një nga vendet e origjinës së trafikut. Kjo pasi në hetimet e fundit të sulmeve te 13 nëntorit në Paris, hetimet nxorën në dritë se një tjetër shtet ballkanas, Serbia, ishte vendi ku ishin prodhuar armët tip kallashnikovë të përdorura në teatrin Bataklan.