Një 41 vjeçar ka rënë në prangat e policisë pasi mbante armë pa leje dhe municione në banesë.
Shtetasi i arrestuar është Altin Mera, 41 vjeç, banues në fshatin Katund i Ri Dibër.
Gjatë një kontrolli të ushtruar në banesën e 41 vjeçarit, policia i gjeti dhe sekuestroi një armë zjarri automatik, me dy krëhëra të mbushur me fishek si dhe një sasi municioni prej 950 fishekësh të fshehura në një çantë.
Arrestimi i tij, sipas policisë së Dibrës, u bë në bazë të informacioneve që forcat blu kishin grumbulluara në rrugë operative.
41 vjeçari ka qenë i dënuar edhe më përpara për plagosje të lehtë.