Drejtori i Përgjithshëm i Policisë së Shtetit, Ardi Veliu i shoqëruar nga zv.ministri i Brendshëm Besfort Lamallari dhe një përfaqësues I TIA-s dolën në një conference për shtyp nga Rinasi në lidhje me grabitjen e miliona eurove brenda në pistën e aeroportit ditën e martë.
Drejtori i Policisë së Shtetit Veliu konfirmoi atë që ishte paralajmeruar edhe nga kryeministri Rama këtë të mërkurë, se strukturat shteterore do të marrin përgjegjësin për sigurinë e aeroportit të Rinasit.
Veliu qëndroi pak a shumë në linjën e deklaratës së ministrit Lleshaj duke thene se kompania që administron aeroportin në disa raste nuk ka qënë bashkëpunuese me policinë ndonëse nuk saktësoi nëse bëhej fjalë për grabitjen e fundit apo jo.
“ Është një ngjarje jashtëzakonisht e rëndë dhe ne si polici shteti jemi duke e analizuar. Grupi hetimor dhe policia po punojnë intesivisht për të bërë të mundur zbardhjen e kësaj ngjarje. Në momente të caktuara nuk kemi gjetur bashkëpunimin e duhur nga kompania që është përgjegjëse për sigurinë në Rinas. Nisur nga kjo, me urdhër të kryeministrit, shefi i komisariatit të policisë së Rinasit merr përgjegjësinë e drejtimit, menaxhimit, kontrollit dhe bashkëpunimit me kompaninë në aeroport për të mundur kthimin e sigurisë në aeroport. Ne do të kërkojmë çdo ditë rritjen e parametrave të sigurisë”.
Zv/ministri i Infrastrukturës dhe Energjisë, Artan Shkreli tha se parametrat e sigurisë që janë bërë në pranverë të 2013 do. Ai shtoi se koncesionari nuk ka qenë në gjendje të krijojë atë nivel sigurie që kërkohet sot, referuar ngjarjes së mëparshme.
Po këtë të mërkurë, TIA reagoi për ngjarjen duke e quajtur të pasaktë akuzen dhe deklaratat e ministrit Lleshaj se ky autoritet që menaxhon aeroportin nuk kishte njoftuar në kohë policinë e komisariatit të Rinasit për grabitjen brenda në pistë.
