Ai është një ndër stilistët më aktiv në tregun mediatik shqiptar, si kurator imazhi apo në krye të produksioneve më në zë në Shqipëri, Ardi Asllani na kishte munguar si stilist në një sfilatë mode, me veshje që mbajnë firmën e tij. Megjithatë puna për krijime të reja nga mjeshtria e Ardi Asllanit kanë bërë shumë personazhe shqiptarë të shkëlqejnë, anekënd botës.
Këtë herë shkëlqimi i tërë do të jetë në një sfilatë unike, të cilën kishim kohë që e prisnim nga Ardi Asllani. Stilisi ka zgjedhur të prezantojë koleksionin e tij të fundit “My Albania” në kontinentin e largët, Amerikë. New York do të mirëpresë krijimet e Ardit, i cili ka treguar se koleksioni i tij është bazuar i gjithi mbi imazhet e qyteteve shqiptare të dizajnuara e punuara më parë grafikisht, duke u plotësuar mbi tekstil, e duke i dhënë atij një trajtë komplet ndryshe nga gjendja fillestare, raporton revista WHO.
Stilisti ka zgjedhur imazhet e Tiranës së viteve 1930 gjithashtu dhe të qyteteve si Kruja, Berati, Gjirokastra, Prizreni, Ulqini e shume qytete të tjera. Ardi ka bërë me dije se materialet e përdorura në veshjet e dizenjuara janë saten dhe organze, të gjitha në tonalitetet e pastelit.
Revista WHO bën me dije se: “Në Kaufman Studios modelet amerikane do të kenë të veshura qytetet tona me historinë, kulturën dhe sharmin e tyre që për NewYork-ezët do të jetë diçka ndryshe.” Suksese Ardi!
