Apeli i Posaçëm ka rrëzuar kërkesën e Ajola Xoxës dhe ka lënë në fuqi vendimin e shkallës së parë për sekuestrimin e celularit.
Përveç rrëzimit të vendimit të heqjes së sekuestrues, ndaj Xoxës vazhdon të jetë në fuqi dhe masa ‘detyrim paraqitje’.
Prokuroria e Posaçme, SPAK, sekuestroi më 6 dhjetor 2024 telefonin e bashkëshortes së kryetarit të bashkisë së Tiranës, Erion Veliaj.
Agjentët e Byrosë kombëtare të hetimit kanë pasur në dorë një vendim të GJKKO-së, Gjykatës së Posaçme për sekuestrimin e telefonit kur janë paraqitur mëngjesin e 6 dhjetorit, në banesën e çiftit Veliaj tek ‘Kodra e Diellit’ në Tiranë.
Kontroll u ushtrua edhe te galeria “Harabel” që ndodhet në zonën e ish-bllokut në Tiranë dhe u sekuestruan dokumente e materiale të ndryshme që kanë të bëjnë me hetimet e nisura në lidhje me pasurinë e Erion Veliajt dhe familjarëve të tij.
Kontrollet në galerinë ku Ajola Xoxa figuron bashkëthemeluese dhe sekuestrimi i telefonit të saj u bënë në kuadër të hetimit pasuror të nisur disa muaj më parë nga prokurori Ols Dado.
Kujtojmë se dy muaj më vonë, më 10 shkurt 2025, me urdhër të SPAK, kryebashkiaku Erion Veliaj u arrestua. Sipas SPAK, Erion Veliaj akuzohet për veprat penale “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”./vizionplus.tv
