Nuk ka rëndësi në qoftë se jeni rritur në epokën e artë të ‘’Backstreet boys’’ dhe ‘’Spice Girls’’, apo me Justin Bieber me shokë apo qoftë Babastars, Tayna, Flori Mumajesi etj, kur bëhet fjalë për artistët e zemrës të gjithë do të bënim ‘’të pamundurën’’ për t’i takuar nga afër, përfshirë këtu edhe dhuratat.
Mirëpo në rastin e këngëtares së mirënjohur Anxhela Peristeri, duket se surpriza nga një fanse ka kaluar pritshmëritë e së mundshmes. E ftuar në mbrëmjen festive të ‘’ Soirée’’, këngëtarja e hiteve ‘’Ishe mbret’’ apo ‘’E çmendur’’ ka rrëfyer një episod të pazakontë që i kishte ndodhur me një fanse, e cila i kishte ofruar të gjithë pasurinë e saj. Anxhela njihet për karakterin e saj të fortë dhe vendosmërinë stoike, dhe kishte refuzuar menjëherë.
“Ka qenë një histori e gjatë. Një grua që donte të më linte një pasuri dhe nuk e pranova. Mendoj që asnjeri nuk të jep diçka kaq të madhe pa e njohur dhe pa pasur diçka. Gjithçka ka një prapaskenë. Dhuratat nuk duhen pranuar nëse nuk vijnë nga njerëz të afërt”, u shpreh këngëtarja./Living
