Shpifja duket se ka zënë një vend të rëndësishëm në vendimet më të fundit të Këshillit të Ministrave të cilët duket se po përgatisin një projekt-vendim për një paketë ligjore kundër shpifjes.
Ky debat ka bëtë që këtë të hënë në kuadër të këtij projekt-vendimi AKEP të listojë emrat e 44 portaleve të cilët supozohet se janë të paregjistruara, duke ju lënë atyre një afat për të realizuar një gjë të tillë para se të merret vendimi për mbylljen e tyre.
Por si shikohet një vendim i tillë në sytë e gazetarëve dhe analistëve të medias?
Në Real Story në një panel të ftuarish është diskutuar në lidhje me këtë ligj nëse ai ndikon në lirinë apo rregullin e portaleve online. A është kjo një betejë kundër #FakeNeës?
Në diskutimet e tyre të ftuarit theksojnë se ky projekt ligj nuk është vendimi i duhur për tregun mediatik shqiptar. Nuk mund të kalohet nga një ligj civil në një penal në lidhje me shpifjen. Gjithashtu në këtë diskutim disa e cilësojnë si një lojë të kryeministrit Edi Rama për të hequr vëmendjen nga çështjet më të nxehta të aktualitetit siç është Babalja apo çështja Balla.
Ndërsa në sytë e Carlo Bollino, kjo nismë shihet si një mënyrë përmes së cilës, Kryeministri do të zbulojë pronarët e portalëve.
Ndërkohë nga ana tjetër Skender Minxhozi si një përfaqësues i një portali i cili ndodhet në listen e atyre që nuk plotësojnë kushtet, Javaneës.al, ka theksuar se kjo është një listë abuzive dhe jo e drejtë gjiothashtu ai ka theksuar se beteja e Fake neës, është e medias më shumë se e politikës.
“Beteja kundër fake news në radhe të parë është e jona, sepse një lajm i rreme, na dëmton ne të parët, dhe jo lidërët politik siç është kryeministri Edi Rama apo Lulzim Basha e të tjerë.”
Ndërsa Arjan Vasjari duket se çështjen kryesore apo më të rëndësishme në tregun tonë mediatik shikon lirinë dhe jo rregullin.
“Askush nuk thotë që shpifja nuk është problem. Në këtë situatë, Shqipëria ka me shume nevoje per lirine se sa per rregullimin.”
