Angelina Jolie dha intervistën e parë, që pas ndarjes nga Brad Pitt në premierën e filmit të saj të ri “They First Killed My Father”, në Kamboxhia. E gjithë bota foli për Jolie dhe shfaqjen televizive, e natyrisht që kjo intervistë nuk kaloi pa u vënë re edhe nga vetë Brad.
Aktorit nuk i ka pëlqyer aspak ajo çfarë tha ish bashkëshortja Jolie, e sidomos momenti kur ajo u pushtua nga lotët. Si duket aktori 53-vjeçar mendon që kjo është vetëm, një skenë fallco, ku Angelina provon talentin si aktore.
Nje burim i afërt i Pitt thotë: ”Brad u zhgënjye shumë nga intervista plot me lot që dha Angelina. Ai nuk e sheh atë si një viktimë në gjithë këtë dramë. Gjithçka që Brad dëshiron është të finalizojë divorcin në mënyrën e duhur, dhe të bëjë një marrëveshje për kujdestarinë e fëmijëve. Ai dëshiron që të ketë mundësi t`i takojë ata.”
