Ambasadorja amerikane Yuri Kim përshëndeti emërimin e katër anëtarëve të rinj të Gjykatës së Lartë këtë të premte. Përmes një postimi në “Tëitter”, Kim u shpreh se tashmë Gjykata e Lartë mund të zhvillojë seanca, ndërsa theksoi se reforma në drejtësi po ecën përpara.
“Urime për 4 gjyqtarët e rinj të Gjykatës së Lartë duke u bërë gjithsej 4. Gjykata e Lartë tani mund të mbajë seanca për çështje penale, civile dhe administrative. Falë Këshillit të Lartë Gjyqësor, i cili duhet të vijojë emërimet. Faleminderit dhe presidentit Ilir Meta për betimin pa humbur kohë. Reforma në Drejtësi po ecën përpara”, shkruan Kim.
Sokol Binaj, Albana Boksi, Sandër Simoni dhe Klodian Kurushi janë 4 anëtarët e rinj të Gjykatës së Lartë të cilët u dekretuan ditën e sotme nga presidenti Ilir Meta.
