Andi Maloku nuk ishte shenjestra e atentatit të Shkozetit më 1 nëntor, mirëpo fati i keq e desh që ai të vdiste pas 6 ditësh qëndrimi në spital.
Shoferi i prokurorit Ndoja u nda nga jeta si pasoje e një tromboze në mushkëri teksa ndodhej në gjëndje të rënde tek Spitali i Traumes nga plumbat që mori në mushkëri e shtyllën kurrizore.
Ai drejtonte mjetin tip Mercedez Benz që u qëllua me bresheri në Shkozet me qëllim vrasjen e Prokurorit Ndoja e Landi Muharremit i njohur ndryshe si “Rrumi”. Hetuesit thanë se manovrat e shoferit Maloku ishin vendimtare që Ndoja dhe Muharremi të shpëtonin nga vdekja.
Por të njëjtën fat nuk e pati vetë Andi Maloku, padiskutim më i pafajshmi në këtë histori. Në fund të nëntorit ai do të mbushte 24 vjeç.
I riu qe jetonte ne nje shtepi private ne zonen e Yzberishtit bashke me familjen, kishte me pak se 2 muaj qe kishte filluar pune si shofer i Prokurorit Ndoja, pa e menduar kurrsesi se nje pune e tille do ti rrezikonte jeten deri ne vdekje.
Familjarët e tij teksa kanë reaguar në rrjetet sociale kanë kërkuar më shumë respekt për të ndjerin duke mohuar të gjitha zërat e dalë në media se ai kishte qëne nënoficer në policinë e Fushë Krujës ku kishte pasur konflikte. Njekohesisht ata kanë mohuar aludimet ne media se i afërmi i tyre kishte miqesi te vjeter me Ndojën dhe Muharremin.
Ato i kërkojne mediave të veçanta dhe opinionit publik që të mos abuzojnë me informacionet që publikojnë duke treguar respekt edhe për momentin shumë të vështirë të familjes.
Nëna e Malokut vuri kujën në spital ditën e parë kur ai mbërriti i plagosur tek Trauma duke thënë se djali i tyre po vritej për 300 mijë lekë rrogë.
Vdekja e Andi Malokut e bën edhe më të rëndë atentatin e 1 nëntorit në Shkozet dhe pozitat e të arrestuarit të vetëm Redjan Rraja veshtiresohen edhe më tepër.
