Analiza e BBC: FBI-ja po zgjedh Presidentin e ri të SHBA-së

Shumë zhurmë për asgjë. Çështja e emaileve që dominoi për më shumë se dy javë debatin politik prag zgjedhor me akuza e kundër akuza mes kandidatëve Klinton e Trump, rezultoi një fluskë sapuni. Kështu e sheh analisti i BBC, Anthony Zurcher, i cili theksoi se ndodnëse sondazhet tashmë janë në favor të Demokrates Klinton, kjo e fundit ka “paguar çmimin e saj” në këtë proces. Zonja klinton do të vijojë më e qetë garën e saj deri në zgjedhjet e të martës, ndërsa Donald Trump vijon akuzat ndaj saj, si e korruptuar, por edhe ndaj FBI-së me argumentin se po mbulon aferat e rivales së tij. Megjithatë, – vijon argumentin e tij Zurcher, cilido që të jetë rezultati, nëse fiton Trump apo Klinton, FBI do të jetë përgjegjëse për këtë. Në rastin e parë, me Trumpin president, Byroja Federale e Hetimit do të vihet në shënjestër që me nisjen e hetimeve ndaj Klinton përcaktoi rezultatin e procesit zgjedhor. Nga ana tjetër, nëse Klinton zgjidhet në krye të Shtëpisë së Bardhë, Trump do akuzojë FBI-në që me mbrojtjen që i bëri demokrates në prag të procesit, vendosi fatin e zgjedhjeve.