Ambasadoret e BE zbarkojnë në Elbasan/ Takime me Ballën, Bardhin dhe Hajdarin

Ambasadori i Bashkimit Europian, Luigi Soreca së bashku me ambasadorin gjerman, Peter Zingraf dhe atë franceze, Elisabeth Barsaq zbarkuan këtë të hënë në Elbasan.

Diplomatët u takuan me drejtuesin politik të PS, Taulant Balla e më pas me atë të PD, Gazment Bardhi. Në fokus të bisedës mësohet se ka qenë fushata elektorale.

Tre ambasadorët gjatë vizitës në Elbasan do takohen dhe me Rudina Hajdarin, kandidaten e Nismës Thurje. Ndërsa mësohet se nuk është parashikuar një takim me drejtuesen e LSI, Monika Kryemadhi për shkak të axhendës së kësaj të fundit.

Prania e diplomatëve në Elbasan gjatë kësaj periudhe para zgjedhore ka qenë e shtuar, pasi konsiderohet si një ndër qarqet ku gara do të jetë e ashpër.