Kryeministri i Greqisë Aleksis Cipras do të zhvillojë vizitë zyrtare në Tiranë në fillim të muajit prill. Lajmin e ka deklaruar Ministri i jashtëm grek Nikos Kotzias gjatë një interviste në orën e vone të mbrëmjes së të hënës në televizioni grek ERT1.
Jemi në negociata prej dy vitesh, me shumë durim kemi nxjerrë rezultate. Çështje me rëndësi quaj procedurën e varrezave, do të ndërtohet në Himarë kisha që u prish, më në fund i dhanë shtetësi shqiptare kryepeshkopit Anastas, duke njohur veprën e tij. Do të bëjmë një plan të përbashkët. Kryeministri grek do të shkojë në Shqipëri pak ditë para pashkëve ortodokse.
